O Servizo de prevención e defensa conta os incendios forestais (SPDCIF) dependente da Consellería do Medio Rural está actuando en pistas de Toldaos e Camiño Real ata Foilebar, así como en Hospital, Sirgueiros, Trascastro e algunha outra parroquia.

Son zonas que presentaban abondosa maleza, polo que a actuación permite acondicionalas e deixalas nun estado óptimo. Os traballos teñen como finalidade a prevención de incendios forestais e tamén mellorar os accesos aos propietarios forestais e gandeiros.

A actuación súmase ás tarefas de roza e acondicionamento que leva a cabo o Goberno municipal desde hai semanas, tanto con traballos a man como con maquinaria.