Dentro das diversas campañas de dinamización comercial que se levan a cabo desde o Centro Comercial Urbano de Monforte (CCU), este ano volven apostar por unha actividade inédita en Monforte de Lemos, como no seu día foron a Pista de Patinaxe ou o Parque Multiaventura.
Os clientes que fagan un gasto mínimo de 15€ nalgún dos establecementos asociados ao CCU poderán vivir a experiencia dun Autocine. A iniciativa manterase ata fin de existencias abonando un importe de 10€/coche.
Para participar é necesario RESERVAR PRAZA e pagar a praza do Autocine, que se habilitará no aparcadoiro do Parque dos Condes. O pago da praza faise a través do enlace no momento da reserva. Para facerse co código que permite reservar praza hai que seguir os seguintes pasos:
- Se es cliente do Centro Comercial Urbano de Monforte e fixeches un gasto de polo menos 15€ nalgún dos establecementos asociados poderás solicitar o teu código de reserva/pago de praza (Ata fin de existencias. Cada negocio asociado contará con 25 códigos para repartir entre os seus clientes)
- Unha vez teñas o teu código, entra canto antes en www.ccumonforte.com/autocine e fai a túa reserva (deberás pagar 10€/coche). As prazas son limitadas, 100 por película, se deixas para última hora é probable que quedes sen sitio, reserva xa!
- Se chegas tarde a facer a túa reserva, non tires o código. Poderás usar ese mesmo código para tentar reservar praza para outra película a condición de que queden prazas dispoñibles
CARTELEIRA
VENRES 28 DE AGOSTO:
20.15h GREASE. Ano 1978 (Valoración en IMDb: 7,2)
23.15h O QUE ARDE. Ano 2019 (Valoración en filmaffinity: 7)
Aberto o prazo para reserva/pago de prazas para estas películas desde o martes 11 de agosto
SÁBADO 29 DE AGOSTO:
20.15h MASCOTAS 2. Ano 2019 (Valoración en IMDb: 6,5)
23.15h PARÁSITOS. Ano 2019 (Valoración en filmaffinity: 8)
Aberto o prazo para reserva/pago de prazas para estas películas desde o martes 18 de agosto
DOMINGO 30 DE AGOSTO:
20.15h SPIDERMAN (LEJOS DE CASA). Ano 2019 (Valoración en IMDb: 7,5)
23.15h ÉRASE UNA VEZ HOLLYWOOD. Ano 2019 (Valoración en filmaffinity: 7,1)
