IniciosociedadeDavid Amor pon o broche final ao "Sarria Sorrí"

David Amor pon o broche final ao “Sarria Sorrí”

O monologuista actuará o 20 de agosto ás 21h no Parque de Santa Mariña de Sarria con acceso de balde con invitación.

Publicado o

POR
Redacción
- Advertisement -

David Amor é o cómico escollido para pór o broche final ao ciclo de monólogos Sarria Sorrí, que ten traído ata a vila a Leo Harlem, Eva Soriano, Álex Clavero, Quique Matilla, Oswaldo Digón ou Alberte Montes, entre outros.

A historia de David Amor comeza no 2001 en O rei da comedia, programa da TVG. Dende entón, é escollido por El Club del Chiste e, máis tarde, por El Club de la Comedia. A Sarria Sorrí trae un monólogo unipersonal de humor elaborado, fresco e innovador con altas dosis de retranca galega e novas ideas xurdidas do confinamento. Despois do monólogo haberá un espectáculo de maxia.

David Amor / Etiqueta Negra Producciones

Sarria Sorrí chega así ao seu remate nesta primeira edición, despois de ter comezado o 16 de agosto e ter sido unha aposta polo optimismo despois do confinamento. O obxectivo Etiqueta Negra Producciones e co Concello de Sarria como patrocinador institucional, era cerar un evento cultural ao aire libre con tódalas medidas hixiénico-sanitarias pertinentes e os mellores humoristas para facernos ver que, a pesares dos problemas, na nova normalidade tamén se pode sorrir. Ademais queríase contribuir á configuración dun fondo de contidos creativos de interese cultural e artístico, lingüístico e turístico na Comunidade, potenciando Sarria coma unha parada obrigada do Camiño de Santiago. 

“Quixemos colaborar na volta á normalidade sen descoidar a seguridade dos nosos artistas e o noso público. O esforzo para conseguir isto foi enorme, tentando compensar a falta de comodidades dun teatro con servizo de bar seguro que ademais potencie o consumo local”, explican desde Etiqueta Negra Producciones, que espera no 2021 celebrar a II edición.

ÚLTIMAS

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...

O PP de Monforte acusa a Tomé “de tapar os problemas de abastecemento con bombas de fume como a supresión dos pasos a nivel”

A voceira do PP de Monforte, Katy Varela, tras ver como que as parroquias...