Monforte suspendía as súas Festas Patronais e tomaba medidas para evitar situacións de aglomeracións de xente na cidade, pero sen festas a xente veu igual e as reunións familiares nas casas celebráronse, a xulgar pola cantidade de persoas que había na cidade, principalmente nos espazos máis céntricos.

O primeiro aviso dábase cun caso no Club Fluvial de Monforte a comezos de agosto e este martes, 18 de agosto, coñecíase a existencia dun foco de 8 casos activos nun edificio da rúa Duquesa de Alba, a que tradicionalmente fora a rúa da “movida” monfortina e que aínda hoxe concentra a maior parte dos locais de lecer nocturno da cidade.

Os primeiros 8 casos, hoxe xa son 28, despois de que a Consellería de Sanidade efectuase onte 70 probas PCR en relación con este brote. Seguiranse facendo probas e coñecendo resultados progresivamente o que fai pensar que os afectados non se quedarán nos 28 actuais. Máis información no Galicia Confidencial.