As probas realizadas aos contactos vinculados co brote da residencia de maiores do Incio deron “só outros dous casos positivos” de COVID, segundo sinalou o director xeral de Maiores e Persoas con Discapacidade, Ildefonso de la Campa.
Nunha entrevista na Radio Galega, recollida por Europa Press, Ildefonso de Cámpaa confirmou que este martes está previsto finalizar as probas vinculadas co brote desa residencia, que foi intervida pola Xunta de Galicia e onde, segundo a última actualización de datos, hai 64 casos activos de coronavirus (56 usuarios e 8 traballadores).
Así, tras a realización do test, “só houbo dous positivos entre os contactos”, sinalou o director xeral, quen lembrou que, tras a intervención da administración autonómica, Sanidade enviou un “equipo COVID”, reforzouse o control médico, supervisáronse os circuítos e zonas de illamento (onde os usuarios afectados seguen “asintomáticos”), e avaliouse a posible derivación de usuarios a centros hospitalarios.
Ademais, confirmou que, tras a realización de case 300 probas a persoas vinculadas coa residencia Volta do Castro de Santiago, mantense o único positivo dunha traballadora “polo momento”.
