IniciosociedadeNovas áreas biosaudables nas parroquias monfortinas de Distriz, Gullade e Moreda

Novas áreas biosaudables nas parroquias monfortinas de Distriz, Gullade e Moreda

A inversión asignada a este proxecto polo Equipo de Goberno do Concello é de 9.331,40 euros, sendo o 40% subvencionado a través de fondos LEADER. As obras desenvolveranse a principios do mes de setembro, sempre que a climatoloxía o permita.

Publicado o

POR
Redacción
- Advertisement -

No emprazamento das áreas biosaudables destas 3 parroquias destinaranse terreos públicos de titularidade municipal, optando para elo, por lugares das parroquias preferentes e de habitual costume de xuntanza dos seus veciños, como son as contornas dos locais sociais e dos campos das festas.

A área biosaudable a crear na parroquia de Distriz localizaríase no lugar de As Pozas, na parcela onde se sitúa a área recreativa que rodea ó local social da parroquia. Na parroquia de Gullade, a área biosaludable ubicarase no lugar de O Río, na parcela onde se sitúa o campo da festa de dita parroquia. Na parroquia de Moreda localizaríase no lugar de San Salvador, na parcela do local social de Moreda.

“Coa a creación destes espazos biosaudables”, sinala o Alcalde, “dende o Concello de Monforte buscamos incentivar a práctica da actividade física entre os residentes naqueles lugares do municipio onde se da unha maior carencia deste tipo de iniciativas, conseguindo, do mesmo xeito, mellorar nosa oferta municipal de lecer nestes ámbitos rurais”.

Os traballos a realizar consistirán na adquisición e colocación de aparatos biosaudables que cumprirán coa norma UNE-EN 16630:2015, referida a “equipos fixos de adestramento físico instalados ó aire libre” e contarán todos eles co correspondente certificado de conformidade con dita norma.

Por parroquias, a relación de aparatos que se instalarán en cada unha das tres áreas biosaudables previstas é a seguinte:

  • Parroquia de Distriz: Patíns, Bicicleta, Elíptica, Timón-volantes e Surf-cintura.
  • Parroquia de Gullade: Patíns, Bicicleta, Elíptica, Timón-volantes e Surf-cintura.
  • Parroquia de Moreda: Bicicleta, Elíptica, Timón-volantes e Surf-cintura.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...