Desde que o 26 de agosto as Consellerías de Política Social e Sanidade anunciaran un repunte de casos neste centro, non se tiñan contabilizado novos casos ata hoxe.
Seguen como casos activos nas residencias da zona sur un traballador da DomusVi de Monforte e outro da residencia de maiores de Paradela.
As residencias galegas suman este domingo 30 de agosto, 38 novas persoas afectadas entre usuarios e catro entre traballadores, de acordo cos datos das consellerías de Sanidade e Política Social. Dentro das residencias o número total é de 190 afectados.
A nivel xeral Galicia rexistra un total de 3.484 casos activos de COVID-19 este domingo, cifra que supera en 190 á de onte, tras rexistrarse máis de 300 novos positivos. A subida débese fundamentalmente aos ascensos no número de persoas que teñen actualmente o virus nas áreas sanitarias de Lugo e Santiago, de acordo cos datos difundidos pola Consellería de Sanidade. Toda a información no Galicia Confidencial.
