O 23 deste mes, os datos das consellerías de Sanidade e Política Social respecto do centro residencial da Fundación San Rosendo no Inicio eran de 64 infectados, 56 usuarios e 8 empregados. Ata este martes, 25 de agosto, os casos activos mantíñanse estables, pero as informacións deste mércores volven a disparar os casos neste centro residencial.
Segundo os datos actualizados este mércores polas consellerías de Política Social e Sanidade, contabilízanse agora 87 usuarios con coronavirus, 31 máis ca onte e 18 traballadores máis para contar cun toral de 26 traballadores infectados. Así a residencia do Incio suma agora 113 casos activos de Covid19.
Na residencia do Incio, que o dia 20 de agosto era intervida pola Xunta, lévase producido 3 falecementos desde a aparición deste rebrote.
A pesar da situación “extrema” que deixan os novos datos, fontes da residencia apuntaron que non pensan no “peche” e que seguirán atendendo aos maiores. Nesta residencia trabállase con dous equipos de profesionais, uns que atenden aos positivos e o resto que se dedica ao non contaxiados, que son 30, da contorna a 120 residentes.
Ademais desde que se detectou o primeiro positivo por COVID-19, contratouse a 14 novos traballadores, “moitos deles voluntarios de Ourense e Lugo”, destacaron as mesmas fontes, que puntualizaron que os maiores confinados non “están graves”, á vez que se pon de manifesto que no centro están “a seguirse os protocolos”.
O do Incio é na actualidade uno dos municipios máis afectados polo COVID-19 onde ata o alcalde, Héctor Corujo, atópase “confinado”, segundo apuntaron fontes do Concello.
Nas residencias da zona sur seguen tamén como casos activos 1 traballador da DomusVi de Monforte e 1 traballador da residencias de maiores de Paradela.
Os infectados con coronavirus COVID-19 en residencias de Galicia aumentaron en 50 e sitúanse en 137, aos datos do sur da provincia de Lugo hai que engadir outro empregado na residencia Os Terzos en Touro (A Coruña); 11 na residencia Orpea de Culleredo (A Coruña) e un na Residencia DomusVi Lalín (Pontevedra). En canto a traballadores, dous na Residencia DomusVi de Lalín; catro na Orpea Coruña en Culleredo; e un en cada unha das seguintes residencias de maiores San Bartolomeu de Xove; DomusVi de Barra de Miño, no municipio ourensán de Coles; Volta do Castro en Santiago e Residencia Vos Terzos en Touro. A eles súmase un traballador na Residencia de discapacidades As Flores en Ourense.
