A iniciativa solidaria promoverá a entrega de material escolar a favor de familias en situación en risco social que están atravesando, este ano con máis motivo, serias dificultades para facer fronte ao custo que supón o comezo dun novo curso escolar.
A Fundación Carrefour arrinca esta edición cunha doazón directa de 121.000 euros en material escolar a nivel nacional, un punto de partida ao que se sumarán as achegas que realicen os cidadáns na presente campaña de “La Vuelta al Cole Solidaria” os días 4 e 5 de setembro.
O hipermercado que participa nesta campaña na nosa zona de influenza será Carrefour Lugo.
A nivel nacional, máis de 3.000 voluntarias e voluntarios de Cruz Vermella serán os encargados/as de atender ás persoas que se acheguen aos puntos de recollida para doar material escolar -mochilas, estoxos, cadernos, bolígrafos, lapis, rotuladores, pinturas, etc- para posteriormente distribuílo entre as familias que o precisen. As diferentes Asembleas Locais de Cruz Vermella repartirán o doado ás familias en situación de vulnerabilidade con menores a cargo en cada unha das provincias.
Cruz Vermella Española e Fundación Solidaridad Carrefour traballan conxuntamente dende o ano 2001 a través de diferentes iniciativas sociais cuxa finalidade é contribuír a mellorar as condicións de vida de colectivos en situación de vulnerabilidade.
