O encontro contará cunha mesa redonda sobre as mulleres con discapacidade intelectual no ámbito rural, obradoiros de expresión corporal e artística e novos retos que están por vir. Por iso o escenario na Aldea do Mazo en Meiraos, Folgoso do Courel, tampouco é casual: unha contorna natural coa que se pretende reivindicar a necesidade de visualizar ás mulleres do rural.
O acto principal terá lugar o día 26 coa presentación da nova curtametraxe da Federación “Lilith“, unha antoloxía de relatos que abordarán dende unha perspectiva poética as dificultades, a intolerancia e o sufrimento das mulleres con discapacidade intelectual. Centrado no implícito por enriba do explícito, trataranse temas como a maternidade, a culpa, a infantilización a sexualidade ou o decoñecemento social que hai cara a discapacidade intelectual.
A inscrición para participar neste encontro permanecerá aberta ata o vindeiro 16 de setembro, (neste link) e deberá enviarse cumprimentada a areasocial@fademga.org
Programa completo
24 de setembro
- 18:00 Saída dende Santiago ata o Courel 21:30 Cea de benvida en Aldea do Mazo
25 de setembro
- 10:00 a 10:15 Inauguración
- 10:15 a 11:00 As mulleres no eido rural (FADEMUR Galicia)
- 11:00 a 14:00 Obradoiros simultáneos
Expresión corporal
A cargo de Belén Bernardo (terapeuta corporal)
Expresión artística
A Cargo de Reina d ́Hoore (Arte&coaching)
- 14:00 Comida
- 16:30 a 19:00 Obradoiros simultáneos.
“O meu corpo e eu”
A cargo de Melisa Silva (Con mucho gusto )
“Empoderamento”
A cargo de Rocío Rey (FADEMGA)
- 21:30 Cea
26 de setembro
- 11:00 a 12:00 Preestrea da curtametraxe “LILITH” – debate
- 12:00 a 13:00 Os nosos retos
- 14:00 Comida
