Salvemos o Malecón convida a todos aqueles particulares e comercios de Monforte, que desexen apoiar ás reivindicacións da plataforma, a que colguen nos seus balcóns, ventás, fachadas… estas pancartas para representar dun xeito visual e atractivo a cantidade de veciños/as que non están dacordo coa construción da nova ponte, e facerlle ver ao alcalde que non tiña razón cando manifestou a mediados de xuño que “no son más de 40 profesionales del no” os que están en contra da mesma.

Todos que queiran colaborar con esta iniciativa poden enviar un correo electrónico a salvemosomalecon@gmail.com ou enviar unha mensaxe privada través do perfil en facebook para ser informados de onde e como poden adquirir as pancartas, cartaces e bandeirolas.

A plataforma tamén informa de que tras ter consultado a un 18% do total de comercios de Monforte reciben o apoio dun 85% deles, “sendo este un dato que nos anima enormemente para continuar coa nosa laboura de información e concienciación,” sinalan.