25.000 euros para a proxección turística do Xeoparque do Courel

O Presidente da Deputación, José Tomé Roca, e o presidente da Asociación para a Promoción Territorial Montañas do Courel, Roberto Castro González, asinaron un convenio de colaboración a través do cal a institución provincial achega 25.000 euros para a promoción turística do Xeoparque do Courel.

Cores de outono no Courel. Foto: Guillermo Díaz

A través deste convenio levaranse a cabo oito accións de difusión, entre as que destacan a participación do Xeoparque do Courel na Feira Internacional do Turismo (FITUR), a celebración de catro xornadas divulgativas e a edición dun álbum fotográfico e de dous cadernos de campo.

José Tomé subliñou “as montañas do Courel son un imán para atraer á provincia de Lugo turistas que buscan natureza e destinos tranquilos e non masificados nesta época de pandemia. Con esta colaboración, a Deputación de Lugo mellorará a promoción turística e a visibilidade deste primeiro Xeoparque Mundial do Noroeste de España distinguido pola UNESCO”.

Montañas do Courel forma parte dunha rede mundial de 141 xeoparques en todo o mundo. O organismo provincial vén tamén de presentar un proxecto para optar a un plan do Ministerio de Turismo de ata 3M€ para impulsar o xeodestino Ancares-Courel e ademais colabora anualmente coa Estación Científica do Courel da USC para divulgar os valores medioambientais, culturais e etnográficos deste territorio. En 2019, grazas ao impulso da Deputación, as Montañas do Courel acadaron a certificación Espazo Observer Turismo Científico para atraer un turismo vencellado á ciencia. 

DEIXAR UN COMENTARIO

Please enter your comment!
Please enter your name here