Segundo explica o alcalde, Carlos Armesto, “actuaremos en vías de toda índole”. Neste senso, o plan divídese en tres proxectos, que son os seguintes: un inicial, dotado con 57.500 euros; un segundo con 29.000; e, un terceiro, con 30.000 euros. A través dos mesmos, melloraranse os accesos aos viñedos e ás fincas rústicas e rurais. 

O goberno local continúa así dando cumprimento ao seu compromiso de dotar de mellores servizos aos veciños. O titular municipal destaca que se trata “dun paso máis neste obxectivo. Son accesos cuxa mellora veñen demandando os saviñenses e que dende o Concello estamos a facer un esforzo importante por dar resposta a estas peticións”.

A este respecto, Carlos Armesto, adianta que “seguiremos traballando para poder facer máis anuncios deste tipo proximamente”.