Segundo o alcalde, agora toca esperar “a ver como evoluciona”, á vez que revela que “se fixeron PCRs esta fin de semana ao resto de residentes e a todos os traballadores e de momento é o que hai”, ese catro casos detectados. “Estamos á expectativa se desde o Concello hai que tomar algunha medida especial, para iso estamos en continuo contacto con Sanidade”, puntualizou.
O José Manuel Arias confesou que hai preocupación entre os veciños, pola residencia e pola súa contorna. “Eu pido aos veciños que teñan moito sentido e responsabilidade”, apelou. “Na primeira onda houbo da orde de 25 casos, non houbo falecidos e esperemos que agora tampouco”, sinalou o alcalde. “Os dous casos de residentes producíronse na planta baixa onde está a xente máis delicada”, sinala.
O Concello de Bóveda tomou medidas de desinfección polo municipio, e agora están á espera de ver que medidas tomar coa Consellería de Sanidade. No centro afectado hai 116 usuarios, dous deles positivos, e case cen traballadores, entre os que se detectaron outros dous positivos.
