O obradoiro “Montañas do Courel” está promovido polo Concello de Folgoso do Courel xunto con Quiroga e Ribas de Sil, e é financiado pola Consellería de Emprego e Igualdade cunha achega de 369.500 euros.

As actuacións que levarán a cabo durante os vindeiros meses centraranse na conservación e mellora de camiños municipais e outros espazos públicos dos tres municipios. En Folgoso do Courel está previsto que traballen en Esperante, Noceda, Sobredo, Meiraos, Miraz de Arriba, Mercurín, Moreda, Campelo, Mostad, O Carbedo – Liñariños, Santa Eufemia, Pedrafita do Courel, Vilasibil e Noce. En Ribas de Sil as accións desenvolveranse na ribeira do Sil, Regueiros de San Pedro e Pumares, en San Clodio. En Quiroga tamén actuarán en diferentes núcleos rurais do concello.

Os participantes percibirán un salario durante a súa participación na actividade ao longo de 12 meses -este ano unha das novidades foi a ampliación do programa dos 6 aos 12 meses-. A Xunta apoiará o 100% do salario mínimo interprofesional e a parte proporcional de dúas pagas extraordinarias.