O Concello de Bóveda expón desde este 25N na Casa Consistorial unha guía con pictogramas elaborada pola Concellería de Cultura sobre a prevención e erradicación da violencia de xénero.

A guía vai ser entregada aos nenos e nenas do CEIP Rosalía de Castro e será distribuída ademais nos edificios públicos e colectivos, establecementos comerciais e asociacións do Concello, entre outros.

Na Casa Consistorial tamén se puxo unha pancarta na que reza: ‘O Concello de Bóveda contra a Violencia de Xénero’.