Homesociedade19 diplomas de especialistas en enoturismo

19 diplomas de especialistas en enoturismo

O curso enmárcase no convenio de colaboración da institución provincial coa Asociación Provincial de Empresarios de Hostalería para impulsar o turismo e a gastronomía e apoiar ao sector gravemente afectado pola pandemia.

Publicado o

POR
Redacción
- Advertisement -

A Deputada de Réxime Interior, Promoción do Territorio e Turismo, Pilar García Porto, entrega os diplomas aos 19 profesionais participantes no curso de especialización en enoturismo organizado pola Asociación Provincial de Empresarios de Hostalería de Lugo (APEHL) grazas á Deputación.

Esta actividade formativa gratuíta enmárcase no convenio de colaboración polo que a Deputación de Lugo achega 60.000€ á Asociación Provincial de Empresarios de Hostalería co fin de promocionar o turismo e a gastronomía e apoiar a este sector, gravemente afectado pola pandemia. 

Os 19 participantes que recibiron os diplomas pertencen ao sector do turismo, hoteleiro e de servizos. No acto de entrega destes certificados, Pilar García Porto animou ao alumnado a poñer en práctica os coñecementos de enoturismo no seu eido profesional e salientou ademais que “este curso de especialización en proxectos enoturísticos enmárcase na aposta da Deputación de Lugo por ofrecer un turismo de calidade, proximidade, sostible e de experiencias, que potencia a Ribeira Sacra e a riqueza vitivinícola da nosa provincia”. 

A actividade formativa impartida polo Instituto Galego do Viño permitiu capacitar ao alumnado en viticultura e aspectos prácticos, como a elaboración de cartas de viños, a maridaxe, o servizo e xestión de sala, o traballo en adegas e a xestión do negocio. Tamén afondou na creación e xestión de produtos enoturísticos, nas novas tendencias do mercado na comercialización, imaxe de marca, comunicación e o enomarketing. 

“É unha oportunidade tamén para a reinvención e a innovación no sector turístico, xa que aporta ferramentas para ofrecer servizos de calidade e creación de novos produtos turísticos, atractivos e diferenciados para afrontar con maiores garantías a recuperación da pandemia”, engadiu García Porto. O curso completouse con clases prácticas de catas de viños galegos e nacionais de diferentes denominacións de orixe. 

ÚLTIMAS

“Aquietar a mente”, novo Faladoiro en Quiroga este 30 de abril

María Teresa Taboada, “Tere para @s amig@s”, é de familia quiroguesa por parte de...

A Mostra de Viños da Ribeira Sacra de Pantón preséntase como unha experiencia

As actividades da Mostra de Viños da Ribeira Sacra de Pantón déronse a coñecer...

Obradoiro de adolescencia e contido online, este 9 de maio en Chantada

O Concello de Chantada organiza o 9 de maio no Auditorio Municipal de Chantada...

Despois dunha “longa noite de pedra” Galicia recupera a electricidade no 85% do territorio

A Xunta decretou na noite do luns a Emerxencia 3 o que implica que...