InicioCulturaA cultura mobilízase en defensa do colexio do Courel

A cultura mobilízase en defensa do colexio do Courel

Unha representación do mundo da cultura, formada por perto de 60 persoas protagonizan un vídeo de apoio á ANPA do CPI Uxío Novoneyra do Courel, en defensa do servizo de transporte que vén funcionando nas últimas décadas.

Publicado o

POR
Redacción
- Advertisement -

O vídeo combina imaxes inéditas que Manuel Valcárcel editara para o filme “Tempo” con imaxes de artistas comunicando as razóns do seu apoio ao colexio do Courel e ao rural galego. 

Entre as persoas que apoian a escola de Seoane, atópanse artistas que xa se teñen posicionado no pasado en defensa do Courel, como a actriz Mabel Ribera, o xornalista Enrique Banet, os actores Víctor Mosqueira, Evaristo Calvo, Mónica Garcia ou Federico Pérez. Tamén participan no audiovisual outros artistas con vínculos co Courel, como Branca Novoneyra, Miguelanxo Lar, Séchu Sende, Vicente Reboleiro ou Xesús Manuel Marcos.

Do mesmo xeito, podemos encontrar músicas como Guadi Galego, Uxía, o Leo, Alba María, Xurxo Souto ou Najla Shami; escritoras como Olga Novo, Oriana Méndez ou Ánxeles Cuña; artistas de música infantil como Paco Nogueiras, Peter Punk e Paco Cerdeira; desde o sector audiovisual, creadores como Manuel Valcarcel, Carlos Ares ou Luis Avilés; e do mundo editorial, Mercedes Vázquez ou Rosa Espinheira.

O vídeo solidarízase coas reivindicacións da ANPA do Courel en relación co proceso de concurso inicialmente aberto pola Xunta de Galiza -actualmente paralizado a causa da presión popular, xa que deixaba a 6 autónomos do Courel sen traballo. O audiovisual visibiliza a contradición entre a legalidade vixente, que promove un tratamento especial às zonas de montaña e rurais, e a proposta da Xunta da Galicia que provocaría, aseguran, un empobrecemento dos servizos e a desaparición de seis postos de traballo neste concello.

O vídeo finaliza explicando que este ataque contra o rural no Courel é “un caso entre moitos”, e reivindicando un ensino público de calidade para as crianzas galegas, “vivan onde vivan”, cunha defensa dos dereitos do rural.

ÚLTIMAS

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...

O comercio de Sarria entrega os vales de San Valentín

Os establecementos asociados sortearon, para esta campaña, catro ceas para dúas persoas polas compras...

O Colado do Vento, de Sober, organiza un obradoiro para concienciar sobre a nosa etnografía

O proxecto de 'Galicia latente' ten como base un estudo-libro homónimo de recollida e...