A Deputación de Lugo colabora coa Asociación de Veciños de Camponarai, no concello  do Saviñao, para a mellora das instalacións do local social. A actuación conta cunha achega de 2.000 euros para a construción dun baño mixto adaptado, que permitirá a todas as persoas con mobilidade reducida un mellor uso das instalacións.

O Presidente subliñou “o compromiso da Deputación co tecido asociativo da provincia para mellorar dotacións e servizos públicos e comunitarios que contribúan a mellorar a calidade de  vida dos veciños e veciñas, e a fixar poboación”.

A Asociación de Veciños de Camponarai, na parroquia de Segán, pertencente ao concello do Saviñao, naceu en 2011 co obxectivo de estreitar lazos entre os veciños e veciñas ao mesmo tempo que se buscaba dinamizar o lugar, reunirse, compartir e promover actividades e experiencias. Este colectivo desenvolve, dende os seus inicios, actividades gastronómicas, culturais ou deportivas, entre outras.