O concello de Taboada celebrará o entroido en liña. Apostan por aproveitar as redes sociais para achegarse entre a veciñanza e non deixar de festexar estas datas.

Así organízase un concurso de disfraces no que se pode participar enviando as fotografías antes do 19 de febreiro ás 14.00 ao correo info@concellotaboada.es

Os participantes deberán sinalar o seu nome e apelidos, idade, dirección, teléfono de contacto e autorización para a publicación das fotos que poderán ser dun disfraz individual ou de convivintes.

O 22 de febreiro subiranse as fotografías recibidas ao Facebook do concello e as 3 que máis Me Gusta obteñan ata o día 26 recibirán un vale de 50€ para gastar no comercio local. Ademais sortearanse 3 vales de 30€ entre todos os participantes para a mesma finalidade.