IniciosociedadeDous detidos tras protagonizar un tiroteo en Monforte con varios coches implicados

Dous detidos tras protagonizar un tiroteo en Monforte con varios coches implicados

A Policía baralla un asunto de drogas ou de compravenda de vehículos entre as hipóteses.

Publicado o

- Advertisement -

Axentes da Policía Nacional detiveron a dous homes con antecedentes pola súa suposta implicación nunha disputa e persecución con disparos no municipio de Monforte de Lemos.

Un deles foi detido en Monforte e o outro en Ourense. Os dous contan con antecedentes. A Policía trata de esclarecer a causa da orixe da disputa ocorrida na tarde deste xoves pasado en Monforte de Lemos con varios coches implicados, un dos cales se accidentou e os seus ocupantes escaparon á carreira.

As mesmas fontes policiais indicaron que se barallan dúas hipótese: un asunto relacionado con drogas ou ben coa compravenda de vehículos, que os investigadores tratan de aclarar.

MÁIS DETENCIÓNS

A investigación en relación con estes feitos segue aberta e búscase a máis persoas implicadas, polo que a Policía non descarta novas detencións. Ata o momento, así mesmo, hai localizados dous vehículos implicados nestes feitos, nos que ían os dous individuos detidos ata a data pola Policía Nacional.

Por parte deste corpo puntualizouse que na xornada do xoves, tras ter constancia da disputa, colaboraron efectivos da Garda Civil e da Policía Local.

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...