HomesociedadeQueres emprender no medio rural? Inscríbete no proxecto HolaPueblo

Queres emprender no medio rural? Inscríbete no proxecto HolaPueblo

O proxecto HolaPueblo, do que forma parte o Concello de Bóveda, ten xa dispoñible o formulario de inscrición para entrar no proceso de selección para aquelas persoas que teñan unha idea de emprendemento e interese en instalarse no medio rural.

Publicado o

POR
Redacción
- Advertisement -

Seleccionarase a 35 persoas emprendedoras que terán acceso a un proceso de  mentorías individualizadas dirixidas a desenvolver a súa idea de negocio e acompañamento na procura de municipio, facilitando información relevante e poñéndoos en contacto directo con aqueles municipios compatibles coas súas necesidades persoais e profesionais.

O rexedor, José Manuel Arias, explica que os emprendedores “poden aproveitar esta oportunidade unida á próxima convocatoria de axudas Leader para o desenvolvemento rural do GDR Ribeira Sacra Courel”. Desde o Goberno local animan aos emprendedores interesados en darse de alta no proxecto a través da web www.holapueblo.com  

70 municipios adheridos

Un total de 70 municipios de 24 provincias e 9 comunidades autónomas participarán na II edición de Holapueblo, un proxecto do Grupo Rede Eléctrica, Correos e AlmaNatura para impulsar a repoboación nas áreas rurais facilitando o contacto de pobos en procura de novos habitantes con persoas que desexan realizar un cambio de vida poñendo en marcha un proxecto de emprendemento no medio rural e instalándose alí.

A inscrición de municipios estivo aberta para todo o territorio nacional e tras analizar as solicitudes seleccionáronse aos 70 municipios que formarán parte da II edición de Holapueblo. Avaliouse o perfil dos 112 municipios rexistrados, baseando a selección naqueles criterios aos que os emprendedores lle dan máis importancia como dispoñer de boa conectividade a internet e oferta de vivenda, consultorio médico e centro educativo, entre outros. En Holapueblo. com pódense consultar os criterios que se tiveron en conta durante o proceso de selección.

ÚLTIMAS

A Deputación adxudica a explotación dos Náuticos Ponte do Sil e Maiorga

Con estes acordos, a institución provincial dá continuidade á actividade turística e de lecer...

Beth Willard, recoñecida xornalista e crítica de viños, visitou a Ribeira Sacra

O Consello Regulador da Ribeira Sacra encargouse de coordinar a estancia e a programación...

Máis de 550 participantes inscritos para o QTC 2027

Conta atrás para a celebración do Quiroga Trail Challenge 2027, proba que conta xa...

Tomé presenta uns Orzamentos de 21,5M€ incrementándose nun 16% con respecto ao 2025

O orzamento será sometido a debate e aprobación no Pleno municipal do vindeiro luns...