O Deputado de Promoción Económica e Social, Pablo Rivera, participou este sábado, 10 de abril, na inauguración da 24 edición dos Xogos Autonómicos Special Olympics na modalidade de campo a través e petanca que se celebran hoxe no campo de fútbol O Baliño, en Ferreira de Pantón.

Rivera Capón destacou na xornada de apertura a importancia deste tipo de competicións para a inclusión das persoas con discapacidade intelectual e puxo en valor o traballo da asociación.