A secretaria de acción sindical de comisións Lugo lamenta “a falta de coherencia e sensibilidade do señor alcalde de Monforte cos traballadores do centro do viño así como os intereses ocultos e o nepotismo na concesión a unha UTE amiga”.

CCOO insta ó señor Tomé a poñer en práctica o talante do outrora líder socialista o expresidente señor Zapatero. Desde o sindicato aseguran estar convencidos de que “as bases da devandita concesión á UTE amiga foron redactadas á carta para a citada empresa amiga do señor Alcalde. Sobra soberbia e nepotismo por parte do señor alcalde ao que animamos a sacar un pouco a vea sindical que perdeu coa súa maioría absoluta e que actúa como algún político facendo da súa capa un sayo.”

Comisións asegura non aceptar os argumentos do concello de Monforte en canto á falta de presenza nas redes sociais da empresa que xestiona o centro do viño actual “xa que en Instagram ten máis de 2000 seguidores.”