Os traballos contan cun investimento de 166.000 euros, financiados na súa totalidade con fondos do Concello. Segundo as previsións que manexa a entidade local, a finais do verán poderán estar rematados.

“Estamos a facer un esforzo extraordinario por dotar de mellores e de máis servizos aos distintos núcleos de poboación que temos. A traída de augas é unha demanda dos nosos veciños e niso estamos a traballar”, remarca o alcalde, Carlos Armesto.

O pasado ano, a entidade local acometeu a de Marrube a Vilatán e, neste exercicio, concluirá a de Diamondi; unha das parroquias de maior poboación do municipio. A este respecto, o rexedor avanza que seguirán de preto a evolución destas obras, co fin de que se cumpran os prazos establecidos