Este ano viaxouse co alumnado de 1º ESO A e B á comarca de Allariz, onde puideron coñecer as actividades do Centro de Educación Ambiental O Rexo, cunha visita guiada á granxa, á queixaría e ó ecoespazo decorado polas megalíticas esculturas de Agustín Ibarrola, unha acción pioneira na arte da natureza creada no 1997 e que ten  aportado matices e valor ó bosque que rodea a contorna.

Tras un xantar ó aire libre, o alumnado continuou a xornada visitando o
conxunto arqueolóxico de Santa Mariña de Augas Santas, o Forno da Santa e Cibdá de Armea na devandita parroquia. Para rematar a actividade fíxose unha parada en Allariz e, tras un tempo de lecer pola vila, emprendeuse o camiño de volta.