HomesociedadeA oficina de correos de Escairón podería perder funcións?

A oficina de correos de Escairón podería perder funcións?

A Asociación Veciñal do Saviñao considera que este servizo é básico para a sociedade do Saviñao dada a dispersion poboacional e a extension deste municipio.

Publicado o

POR
Redacción
- Advertisement -

A Asociación Veciñal do Saviñao diríxese á Alcaldía e partidos da Corporación Municipal para trasmitirlles o rumor que circula no seo do corpo de Correos. Segundo sinalan “coa inminente xubilación do Xefe local da oficina de Escairón, corre serio risco de que desapareza a nosa oficina para ser integrada na de Monforte ou Chantada, incorporando nesas cabeceiras comarcais aos traballadores, tal e como xa aconteceu nos veciños concellos de Pantón e Sober.”

A asociación considera que este servizo é básico para a sociedade do Saviñao dada a dispersion poboacional e a extension deste municipio (200 quilómetros cadrados), “e afondaríase na xa triste e decadente realidade da desaparición do mundo rural. Recordamos que O Saviñao foi no pasado ano o concello que mais habitantes perdeu do sur de Lugo.”

Instan á Corporación Municipal e aos partidos politicos a que poñan todo o interese na defensa dos servizos públicos que quedan no territorio e se comprometan a encabezar os contactos e accións necesarias para evitar esta sensible perda. “Debemos anticiparnos antes de atoparnos diante dunha situación irreversible de feito consumado, despois sería demasiado tarde”, conclúen.

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...