Este núcleo do concello de Quiroga que se atopa a máis de 900 metros de altitude dentro da parroquia da Seara estivo practicamente deshabitado nos anos 90, pero agora recuperou algúns veciños que están poñendo en marcha proxectos de rehabilitación.  

Este espírito emprendedor é o que ten que apoiar a administración, como recalcou o rexedor local, Julio Álvarez, na visita a esta obra. O núcleo conta con importante recursos naturais, como a fervenza de Vieiros,  potenciada dende hai anos polo concello cunha ruta que permite contemplar esta espectacular fervenza e o río Selmo. 

O goberno local aposta porque este núcleo poida ser dentro de dous anos un referente turístico e ambiental  do Xeoparque Montañas do Courel como xa é a Seara, núcleo moi próximo a Vieiros. 

Esta obra, tanto na  primeira fase do proxecto como nesta segunda, está enmarcada dentro do Plan Único de Cooperación entre a Deputación Provincial e o Concello de Quiroga.