O proxecto do que se encargará a empresa OPAGA 003 SL, inclúe a rehabilitación dos máis de 15 quilómetros da vía. As actuacións previstas son: a reapertura de cunetas; o saneo da explanada; a reparación de danos  e a repavimentación.

“Esta é unha estrada moi importante para os veciños e veciñas da zona porque conecta varias capelas, como a da Virxe das Neves ou a de San Antonio e, ademais, tamén dá acceso a importantes puntos turísticos da zona como o Miradoiro dos Peares; unha adega ou unha casa de turismo rural”, valorou a voceira socialista, Pilar García Porto.

No concello de Pantón, a Deputación segue traballando no arranxo da LU-P-4103, a vía que foi danada polas intensas chuvias. Na reunión do pasado venres iniciáronse os trámites para comezar os traballos de rehabilitación e durante estes días os técnicos traballan en cuestións que afectan á vertedura de residuos. Prevese que as obras comecen antes de Semana Santa.