A sentenza foi presentada polo avogado de CCOO Ramón Pérez Domínguez e celebrado o xuízo o día 21 de maio do 2021, dándolle a razón aos servizos xurídicos de CCOO con respecto ao dereito de complemento de maternidade a un pai do Concello do Saviñao consistente nun 10% da súa pensión ao ser pai de tres fillos.

A secretaría de acción sindical de Comisións anima a todos os pais que se xubilaron a partir do ano 2016 a pasar pola sede de Monforte para presentar a devandita demanda de complemento de paternidade xa que a sentenza resarce o dereito de igualdade entre pais e nais. O sindicato considera esta primeira sentenza na provincia moi importante debido a que se conta coas pensións máis baixas do Estado.

Segundo o sindicato son centos os pais que poden reclamar e os que traballaron en empresas importantes e sectores con bos convenios como pode ser o sector mineiro, a industria ou a banca poden chegar a supoñer un incremento superior aos 225 € sobre a súa pensión mensual para pais con tres ou máis fillos.

Desde a secretaria de acción sindical consideran que o complemento vai ser un sopro de aire fresco para moitas familias lucenses que teñen problemas para chegar a final de mes, desmontando o principio de vulnerabilidade entre pais e nais sen facer distinción de sexo. Estes complementos varían en función do número de fillos. Con dous fillos 5% de aumento, con tres fillos 10% de aumento. Con catro fillos 15%de aumento