HomesociedadeCCOO non firma o convenio da lousa por non atender as súas...

CCOO non firma o convenio da lousa por non atender as súas reivindicacións

Este convenio aféctalle a todas as empresas louseiras da zona de Quiroga, Folgoso do Caurel, A Pobra do Brollón, Pastoriza, Pol e Fonsagrada, na Provincia de Lugo, uns 750 traballadores.

Publicado o

POR
Redacción
- Advertisement -

CC.OO. de Industria decidiu unha vez consultado cos seus delegados, non asinar este convenio que tivo o visto da UGT coa Patronal do sector. CCOO considera que non se tiveron en conta as súas reivindicacións:

  • Regular e rebaixar a xornada laboral máxima que ten este convenio (non gozan dun só día ao ano de descanso).
  • Recuperar o complemento de IT ao 100% tanto en accidente como enfermidade común.
  • Que o período vacacional volvese ser de 22 días laborables (non 30 días naturais).
  • Que o incremento salarial fose desde o primeiro ano de vixencia (2020).
  • Que operase unha cláusula de revisión salarial (pois xa agora mesmo estamos no 2,7% e asinan o convenio co 1,5% para aplicar só desde xullo 2021).
  • Acumulación do permiso retribuído de lactación a días completos.
  • Regulación de teletraballo para o persoal de administración.
  • Recuperar a póliza por incapacidade laboral e enfermidade profesional (silicose).

Segundo CCOO, neste sector UGT rompeu a unidade de acción, “perdeu o norte e substituíu á USGA, convenio tras convenio veñen rebaixando drasticamente as condicións conquistadas nos anos 90 con duras folgas de ata 45 días.”

CCOO considera que o convenio tradúcese “nunha perda importantísima do poder adquisitivo deste colectivo, que ademais sofre unhas pésimas condicións de traballo tamén pola inaptitud compasada da Patronal.”

ÚLTIMAS

O folión de carros a ollos da infancia de Chantada

O próximo 24 de agosto celebrarase en Chantada o Folión de Carros, como é...

Torneo-Festa deportiva fin de tempada do C.V. Ribeira Sacra

Celebrouse unha xornada de confraternidade da familia do C.V. Ribeira Sacra, na que se...

O BNG e a ANPA do CPI Poeta Uxío Novoneyra demandan solucións á estrada LU-651

O BNG asegura que nestes días volveu caer parte desta estrada, e como solución...

Prazo aberto para solicitar as axudas para a creación de novas casas do maior

Como novidade, esta nova convocatoria inclúe unha axuda complementaria de 150 euros semanais durante...