Desde Comisións Obreiras en Monforte amosan o seu apoio a estes traballadores do Centro do Viño da Ribeira Sacra, tanto sindicalmente como poñendo á súa disposición os servizos xurídicos para facer valer o dereito á subrogación.

Comisións considera que chove sobre mollado xa que o señor Tomé “non respecta os dereitos da clase traballadora que foron os que o levantaron á alcaldía.” O sindicato insta ao alcalde a “non montar chiringuitos para favorecer aos amigos dunha UTE, que coñece toda a comarca de Lemos, por ser da súa corda.”

A Secretaria de Acción Sindical recomenda ao alcalde “que reflexione nesta deriva antiobreira” no caso do Centro do Viño e o Conservatorio. Comisións Obreiras de Lugo está convencida que o Xulgado do Social no seu momento dará a razón aos traballadores do centro do viño e serán subrogados como no seu día o foron os de FCC, Aqualia, a piscina municipal, e os traballadores de limpeza das distintas dependencias municipais.