Os participantes contan cunha ducia de monitores voluntarios que traballaran no desenvolvemento das actividades e no coidado dos nenos participantes, tanto nas aulas como fóra delas.

A finalidade dos campamentos é a de poñer a disposición dos pais e nais traballadores unha alternativa para poder conciliar a vida laboral coa familiar, á vez que os nenos participan en distintas actividades.

O viño, o mel e o aceite produtos importantes para Quiroga tamén teñen o seu oco dentro dos campamentos, ademais doutras actividades como repaso escolar ou hábitos saudables. O deporte tamén é un tema importante posto que como todos os anos os nenos e nenas desenvolven actividades no pavillón municipal e cando o tempo o permite os campamentos rematan nas piscinas municipais. Será o 31 de agosto cando rematen estas actividades.