HomesociedadeXunta e CSIC colaboran nunha escavación arqueolóxica no Castro Monte Cido do...

Xunta e CSIC colaboran nunha escavación arqueolóxica no Castro Monte Cido do Courel

A actuación, que comeza o día 2 de agosto e se desenvolverá durante a primeira quincena do mes, está financiada a través da Consellería de Cultura, Educación e Universidade.

Publicado o

POR
Redacción
- Advertisement -

A Xunta de Galicia e o Consejo Superior de Investigaciones Científicas (CSIC), a través do grupo de investigación EST-AP do Instituto de Historia (IH) do Centro de Ciencias Humanas e Sociais (CCHS), colaborarán nunha escavación arqueolóxica no Castro Monte Cido, no Courel, que comezará o luns. Trátase da primeira vez que se realiza unha campaña neste espazo e o obxectivo é entender as formas de poboamento nas serras orientais galegas na transición da Idade de Ferro ao comezo da dominación romana. 

A actuación, financiada pola Consellería de Cultura, Educación e Universidade, xorde por iniciativa da Asociación de  Desenvolvemento Rural Serra do Courel e da Asociación Cultural San Xoán de Seoane do Courel e conta tamén coa implicación do Concello de Folgoso do Courel.

“O castro Monte  Cido nunca foi obxecto dunha escavación arqueolóxica, pero hai evidencias de que del procede a táboa de hospitalidade do Courel e a aguia de Carbedo, unha das principais testemuñas do paso das lexións de Roma polos montes orientais de Lugo”, explica Brais X. Currás, investigador do IH e director do proxecto de escavación. Para o desenvolvemento desta escavación cóntase coa codirección de Luís  F. López González, da empresa Terra Arqueos S. L., autor dunha tese doutoral sobre o  poboamento antigo nas montañas do Courel.

O obxectivo da intervención é comprender as formas de poboamento nas serras orientais galegas na transición da Idade de Ferro ao comezo da dominación romana, incorporando a explotación do ouro como  vector determinante. Ademais, búscase indagar na súa cronoloxía, a súa función dentro do poboamento das montañas do Courel, a súa relación coa estrutura do territorio e a explotación do ouro e cal era o hábitat que albergaba.  

ÚLTIMAS

O 19 de xullo comeza o servizo de lanzadeiras na Ribeira Sacra cunha nova ruta desde Chantada

O servizo de lanzadeiras que pon en marcha o Consorcio de Turismo da Ribeira...

Promoción de produtos agroalimentarios de calidade en Bóveda

A XXI edición da Feira Outrora, en Rubián, contou este ano coa presenza da...

A Xunta Local de Seguridade de Chantada coordina o dispositivo da Subida a Chantada e das Patronais

A 51ª edición desta proba automobilística celebrarase os días 25, 26 e 27 de...

Sarria celebra desde este 14 de xullo ata o día 20 a IV edición do Ultreia e Suseia

Sarria acolle desde este luns e ata o 20 de xullo unha nova edición...