A delegación da zona sur da Asociación Provincial de Empresarios de Hostalería e Turismo de Lugo (Apehl) convoca aos hostaleiros da cidade para asistir a unha charla que ofrecerá a Policía Nacional para informar da problemática que está a sufrir o sector en canto a roubos, pelexas e demais altercados, que afectan sobre todo o lecer nocturno. Tamén informarán de necesidades e inquedanzas do colectivo en xeral.

O acto terá lugar este xoves, 14 de outubro, ás 17:30 h, nas instalacións da delegación de Apehl, en Monforte de Lemos ( c/ Zapaterías, s/n. Torreón do cárcere vello).