Homesociedade21 alumnos fórmanse no obradoiro de emprego "Arquivo Dixital-TICs" de Monforte

21 alumnos fórmanse no obradoiro de emprego “Arquivo Dixital-TICs” de Monforte

Iniciaranse os traballos coa xestión documental do Arquivo Municipal, así como outra documentación local, fotográfica e bibliográfica sobre temas referidos á cultura e á historia monfortinas. As tarefas a desenvolver incluirán a captura dos documentos orixinais, a súa edición e implementación de metadatos coa finalidade de cargar estes arquivos no repositorio documental do Concello de Monforte de Lemos.

Publicado o

POR
Redacción
- Advertisement -

O obradoiro, que conta cun orzamento próximo ó medio millón de euros, está promovido polo Concello de Monforte e subvencionado pola Consellería de Emprego e Igualdade, e a propia administración municipal. A Consellería aporta uns 370.000 euros, mentres que a inversión do Concello será de máis de 100.000 euros.

O novo Obradoiro de se desenvolverá nas instalacións da escola taller da Pinguela leva por título “Obradoiro de Emprego Arquivo Dixital-TIC’s”. Formaranse nel 20 alumnos e alumnas cuxo obxectivo “será dixitalizar, informatizar e automatizar o patrimonio documental de carácter histórico do Concello de Monforte de Lemos, fomentando e dando a coñecer o arquivo histórico deste Concello, mediante a aplicación das TIC`s e impulsando a administración electrónica” indicou o Alcalde.

O rexedor municipal apuntou que “con este obradoiro de emprego creamos 24 postos de traballo durante 9 meses; o grupo estará formado por 20 alumnos e alumnas, 2 docentes, un director e unha administrativa”. Ofrécese formación teórica-práctica na especialidade de Operacións de gravación e tratamento de datos e documentos e aqueles que finalicen con éxito a formación obterán o certificado de profesionalidade nesta especialidade.

“Unha vez rematado o obradoiro”, destacou o Alcalde, “alomenos 2 alumnos van ter a posibilidade de formalizar contratos de traballo en prácticas, a xornada completa e durante de 3 meses en empresas de Monforte. Para elo, estas empresas contarán cun incentivo á contratación de 1.500 € por empresa, para favorecer a inserción laboral dos participantes nestes programas no mercado de traballo”.

ÚLTIMAS

O folión de carros a ollos da infancia de Chantada

O próximo 24 de agosto celebrarase en Chantada o Folión de Carros, como é...

Torneo-Festa deportiva fin de tempada do C.V. Ribeira Sacra

Celebrouse unha xornada de confraternidade da familia do C.V. Ribeira Sacra, na que se...

O BNG e a ANPA do CPI Poeta Uxío Novoneyra demandan solucións á estrada LU-651

O BNG asegura que nestes días volveu caer parte desta estrada, e como solución...

Prazo aberto para solicitar as axudas para a creación de novas casas do maior

Como novidade, esta nova convocatoria inclúe unha axuda complementaria de 150 euros semanais durante...