Piensos Senra é un establecemento comercial que se caracteriza por dar solucións a necesidades relacionadas coa horta e a xardinería (árbores, sementes, abonos e fertilizantes, fitosanitarios, insecticidas), o fogar (carbón, produtos de limpeza, matanza, aceite, patacas, viño…), as mascotas e a granxa (alimentación, antiparásitos, hixiene e accesorios).

Nesta época, apurando o outono e camiño xa do inverno, está a ofrecer produtos que cubren necesidades propias destas estacións. Así, nos seus almacéns de Ferreira de Pantón, Escairón, Sober e Monforte, pódense atopar solucións para combater o frío con garantías, para organizar encontros gastronómicos ou para gozar de froita de tempada.

No apartado de fogar ofrecen agora pellets, carbón para estufas e chimeneas, carbón vexetal para churrascos e magostos; e tamén desfeluxadores, limpadores de estufas, pastillas de acendido… E para grandes pedidos, tamén se poden vender por palets, explican dende a xerencia.

No apartado de froitas de tempada, María José, xerente de Piensos Senra, explica que “xa nos chegaron as laranxas e mazas naturais cento por cento, directas da horta aos nosos almacéns”.

No relativo ás compras, estas poden recollerse directamente nos establecementos, encargar para entrega a domicilio ou pedirse na tenda online.