A CIG Saúde asegura que ata o momento perdéronse as seguintes prazas:
- C.S de Monforte 2 prazas
- C.S.de Pobra 1 praza
- C.S. de Sober 1 praza
- C.S. O Saviñao 1 praza
- C.S. A Barrela 1 praza
- C.S de Chantada 1 praza
- C.S. de Pantón 1 praza
Segundo o sindicato, ao anterior engádese que no C.S. de Monforte “hai 2 facultativos que están pedindo prórroga, pero é moi posible que o ano que ven, se xubilen tamén.” Afirman que no PAC de Monforte marchan dous facultativos de traslado e no de Chantada un.
Afirman desde a CIG Saúde que estarán moi pendentes do que acontece coa praza da médica que marcha de Pantón, caso no que o xerente da EOXI comprometeuse co alcalde a que esa praza cubriríase.
“O sr. Feijoo alardea nos medios de potenciación da Atención Primaria, polo que podemos ver a súa especialidade é amortizar prazas de médicos de familia e desmantelar centros de saúde,” sinalan desde o sindicato. Polo que piden que se deixen de amortizar prazas e se cubran todas as prazas de falcultativos e demais persoal dos centros de saúde.
