A Ribeira Sacra, unha viaxe ás emocións, é un seminario destinado aos profesionais do mundo do viño, do turismo e das entidades de promoción turística. Conta co patrocinio da OIV, Organización Internacional do Viño.

O seminario ten como obxectivos a reflexión, debate, coñecemento e intercambio de experiencias entre profesionais do mundo do viño sobre enoturismo. Coñecer casos de éxito que animen á substitución xeracional e á diversificación económica para mellorar a rendibilidade das adegas da D.O. Ribeira Sacra. Poñer en valor o patrimonio cultural, natural e paisaxístico ligado ao mundo do viño. Impulso e mellora da oferta enoturística da Ribeira Sacra. Creación de sinerxias entras as adegas, e entre os diferentes D.O. Galegas. Mellorar a gobernanza das comarcas vitivinicolas impulsando a coordinación e cooperación cos axentes do territorio para incrementar a súa capacidade de xeración de valor.

Para inscribirse no seminario, destinado só para profesionais, é preciso remitir un correo a info@ribeirasacracourel.es, indicando nome completo, dni, lugar de procedencia e nome da empresa de procedencia. A inscrición é totalmente gratuíta. Aforo limitado a 50 prazas, asignadas por orde de inscrición.