Grazas á colaboración co Concello de Monforte, o CEIP A Gándara e o CP Torre de Lemos o presidente da asociación, Carlos Pérez, ofreceu sendas charlas de concienciación nestes centros educativos para mostrarlle ao alumnado a importancia e valor da natureza e do monte.
Respondendo aos obxectivos da asociación micolóxica, tratou especialmente todo o relacionado co mundo dos fungos: desde as funcións que desenvolven no monte, a súa relación co resto de seres vivos e as principais especies comestibles e tóxicas.
As xornadas foron acompañadas dunha saída ao monte cos rapaces e rapazas para que puideran poñer en práctica o aprendido nas charlas.
