Esta edición do Chantapas desenvolverase do 19 ao 21 e do 26 ao 28 de novembro coa participación de: A Viñoteca, Café Mánix, La Cervecería, Bar Carballeira, Cafetería Santa Ana, Café Cantón, O Casino, Bar Parada, adaRosa Tapería, Bar Centro, Cafetería Universal e Garden Bar.
Poderase consultar o horario de venda de cada tapa nos pasaportes do Chantapas 2021, nas nosas RRSS e tamén na APP Bandomovil. Haberá un xurado profesional para a valoración das tapas e tamén se contará coa valoración do xurado popular. Para ter dereito a voto débense consumir un mínimo de 7 tapas. Se se consumenn todas as tapas do concurso, entrarase no sorteo dunha tarxeta agasallo valorada en 50€ para gastar nos establecementos asociados.
A Asociación de Empresarios de Chantada tamén está organizando o Black Friday deste ano e acaba de poñer en marcha o uso dunha APP informativa que calquera persoa pode descargar para estar ao tanto de novas, ofertas de emprego, campañas… Para acceder a esta información non ten que facer nada máis que descargar a APP Bandomovil, buscar Asociación de Empresarios Chantada e xa poderá acceder a todos os contidos publicados.
