‘Nosoutras – Relatos Femininos’ é a segunda parte dun proxecto de igualdade que nace co obxectivo de homenaxear ás mulleres do mundo rural e de facer visibles as condutas machistas que xerminan neste contexto.

A través desta iniciativa seis testemuñas femininas narran, con auténtica humildade e sinceridade, a súa biografía e como o feito de ser muller ten influído ao longo das súas vidas.  

O documental Nosoutras, realizado por Némesis Audiovisual para o Concello de Sober proxectouse este xoves no Colexio de Sober, na Escola de Hostalería de Rosende e no Colexio da Pinguela. Tamén quedou aberto ao público na canle de youtube do Concello de Sober.