A Mesa de Coordinación para a mellora da atención a vítimas de violencia de xénero ten como finalidade garantir, fomentar e implementar accións e formulas preventivas xunto cunha atención integral de calidade ás vítimas. Compoñen a mesa profesionais de toda a comarca de Lemos que pertencen a distintas áreas de intervención: Social, Educativa, Corpos e Forzas de Seguridade do Estado, Xustiza, Colexio de Avogados, Sanitarios,…

Todas as reunións da Mesa de traballo inicianse cunha sesión formativa que, nesta ocasión, versou sobre a “As manifestacións da violencia de xénero. Normativa aplicable” e foi impartida en liña por María Paz Filgueira Paz, Maxistrada especialista en violencia de xénero.

María Paz Filgueira é coordinadora da Comisión de violencia de Xénero dentro de dita asociación. Membro da comisión de estudos feministas do Consello da Cultura galega. Colabora coa administración pública autonómica para a formación en materia de violencia e de igualdade, tanto a funcionarios como a axentes de autoridade. Colabora tamén en xornadas relacionadas coa violencia de xénero, así como temas de igualdade en xeral, e con proxectos europeos sobre violencia sobre a muller e igualdade de trato así como proxecto  sobre prevención da trata de persoas con fins de explotación sexual .