A participación na feira dá a oportunidade de contactar con expertos da industria dos diferentes países para impulsar as vendas e estimular o mercado internacional.

Wine Paris & Vinexpo Paris 2022 será o principal evento empresarial internacional do ano dedicado ao sector do viño e das bebidas espirituosas. A cita reúne durante 3 días a compradores clave e aos principais responsables da toma de decisións no mercado do sector. A feira que presenta novos produtos e tendencias emerxentes ten a súa filosofía en construír relacións reunindo a máis de 2.800 expositores de 32 países. Este ano espérase que unhas 20.000 persoas visiten Vinexpo París.

En maio de 2019 a D.O. Ribeira Sacra acudía por segunda vez a Vinexpo Bordeaux. A participación neste tipo de citas supón promocionar e dar a coñecer os viños da D.O. no mercado internacional, de modo que as adegas que xa exportan, consolidan as súas vendas e as que aínda non o fan, teñen a oportunidade de abrir novos mercados.