Varios concellos do sur de Lugo decidiron non faltar á tradición e participaron activamente na elaboración de comadres este xoves 24 de febreiro. No caso de Monforte de Lemos, e co impulso do concello, a Praza de España foi o centro neurálxico da celebración, lugar onde se concentraron todos os participantes do certame.
Houbo comadres moi vistosas e a concelleira de cultura, Marina Doutón, trasladou ao público e participantes os nomes dos traballos premiados que foron os seguintes segundo a categoría na que participaban:
Etnografía – Quedou deserto.
Crítica social – Unha mirada á violencia de xénero no tempo, Asociación A Pinguela, 125 €.
Barrios colectivo
Accésit.- As mulleres de AFAMON collemos o AVE e marchamos de excursión, AFAMON, 50 €
Accésit.- Tanxugueiras de Moreda, Moreda, 50 €
Accésit – Tanxugueiras, Centro do Viño, 50 €
2º – Cobas Fest, Asoc. Vec. Barrio de Cobas, 95 €
2º- El juego del calamar, Asociación Prodeme, 95 €
1º – Tanxugueiras, Josefina Rodríguez López, 120 €
1º – Chantxugueiras, Asociación Agora Centro de Día , 120 €
Barrios individual (Ata 3 comadres)
Accésit – Peregrina de Inverno, Oficina de Atención ó Peregrino, 25 €
2º – Alexa precisa vacacións, Asociación Agora, 50 €
2º – A arqueoloxía visita Cinsa, Baamorto, 50 €
1º – El virus de la discordia, Fundación Galicia O. Social, 75 €
Prazas de España individual
1º – Sofía a miña mellor amiga, Antón López González, 75 €.
Centros ensino colectivo (Máis de 3 comadres)
1º – As mochilas das emocións, Colexio Ferroviario, 120 €.
Centros ensino individual
Accésit- Dighan o que dighan, CEIP A Gándara, 25 €
2º – A luz vai polas nubes, CEIP Plurilingüe Monforte-Colexio Novo , 50 €
2º– Comadre Torre de Lemos, Fundación Torre de Lemos, 50 €
1º – A meiga dos desexos, ANPA Colexio Escolapios , 75 €
A asociación Albores tamén participou dedicándolle a súa elaboración ás mulleres que están na corporación municipal e facendo unha chiscadela ao prezo da luz e a calefacción.
Non moi lonxe de aquí, no Concello de Pantón, tamén se animaron a participar no Xoves de Comadres, tanto na praza do concello como nas parroquias: Cangas –Asoc. Cabalo Branco–, San Román de Paderne ou Toldaos –Asoc. Veciñal As Candelas–.
E xa para rematar este breve repaso do Xoves de Comadres achegámonos ao Concello de Sober onde lle dedican este día á crise do PP en Madrid. Arde Génova!, así bautizan a súa posta en escena para esta data poñendo o foco na actualidade. “O Concello de Sober manda a súa brigada de extinción para mirar de apagar o incendio”, din.
