HomesociedadeRecolectas solidarias en Pantón, a iniciativa veciñal colabora coas necesidades máis próximas

Recolectas solidarias en Pantón, a iniciativa veciñal colabora coas necesidades máis próximas

Produtos de alimentación non perecedoiros, produtos de hixiene e roupa de neno e de home, foron as necesidades que máis detectaron desde Servizos Sociais do Concello.

Publicado o

POR
Redacción
- Advertisement -

En febreiro do 2021 a Asociación de Veciños de Tuiriz con U, decidía facer unha recolecta solidaria para trasladar ás persoas do municipio que máis o necesitaran. Para coñecer as necesidades reais destas persoas e que o material aportado fora o máis adecuado posible, puxéronse en contacto con Servizos Sociais do Concello de Pantón. A iniciativa do pasado ano tivo moi boa aceptación e moitos veciños colaboraron a pesar das limitacións pola pandemia que había no municipio hai un ano.

Por este motivo a asociación decidiu de novo este ano facer outra colecta solidaria. A veciñanza interesada en colaborar achegou ao local social desta asociación veciñal produtos de alimentación non perecedoiros, produtos de hixiene e roupa de neno e de home, xa que estas foron as necesidades que máis detectaron desde Servizos Sociais do Concello. O material doado recólleno desde Servizos Sociais para distribuír entre quen máis o precise.

Recolecta solidaria 2022 Tuiriz / Asociación de Veciños de Tuiriz con U

“Co asesoramento de servizos socais podemos facer unha recollida axeitada ás necesidades e a axuda repercute no noso entorno máis cercano. Na asociación somos 170 veciños e esperamos chegar este ano a 200, facemos actividades para dinamizar o pobo e sumar asociados, queremos traballar xuntos e axudar no que poidamos cando vemos necesidades,” sinalan desde a asociación.

ÚLTIMAS

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

O Ministerio de Transportes responde a Por un Interior Galego Vivo

O Ministerio responde sinalando os plans previstos en determinados puntos das estradas. Están en...

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...

Cortes de rúas e ordenación do tráfico este 5 de abril en Monforte

Dende as 17:30 h ata as 20:00 h permanecerá pechado o tráfico de vehículos,...