Os seguidores do Cume Tapas Erótico outorgáronlle a vitoria á tapa “Ofigochorréame” presentada polo establecemento Adega de Carlos. Así o anunciou este pasado xoves, 8 de xuño, a delegación da zona sur da Asociación Provincial de Empresarios de Hostelería e Turismo de Lugo (Apehl) despois de concluír o reconto de votos.
A segunda tapa máis votada foi a do bar MC, denominada “Goza do Rabo”, e o terceiro posto foi para Confitería Moure, con “Volaván Ardente”.
Durante o acto, tamén se fixo o sorteo de regalos e viaxes entre todos os cupóns de votación e os trípticos selados nos locais participantes. Este xoves 9 de xuño farase pública a relación de agraciados.
A delegación da Apehl informa que se poñerá en contacto con todos eles a través dos teléfonos facilitados e que a entrega de premios terá luga nun acto a celebrar en agosto, nunha data aínda por determinar.
REMATE DO CUME TAPAS 2022
O Cume Tapas Erótico, así se bautizou este ano, presentouse cunha temática atrevida e cunha intención: ‘chiscarlle un ollo ao amor e á diversidade sexual’. Tras dúas semanas nas que se puideron degustar as 8 creacións gastronómicas en outros tantos establacementos participantes, o concurso remataba o pasado domingo, 5 de xuño, cun concerto de Andrés Montes no Centro do Viño da Ribeira Sacra.
