70 alumnos sobresaíntes do IES A Pinguela no curso que remata

O alumnado do IES A Pinguela que obtivo unha media superior a 9 neste curso 2021/2022 recibiu, como todos os anos, unha matrícula co seu nome que os sinala como sobrasaíntes. Este ano ascenden a 70 e están en todos os niveis educativos, o que supón unha media do 20% do alumnado do instituto con cualificacións excelentes.

Mellores expedientes 2022 IES A Pinguela / IES A Pinguela

Entregáronse tamén diplomas ós mellores expedientes de cada etapa educativa: 1º e 2º de ESO: Blanca González Rodríguez 3º e 4º ESO: Eva Martínez López. En Bacharelato: Ismael González Rois, en FPBásica o mellor expediente foi para Andrei Ramón de Matos Ceapa. Nos Ciclos Medios do IES A Pinguela o mellor expediente foi o da alumna, Ainhoa Vázquez Rodríguez, do CM Xestión Administrativa e nos Ciclos Superiores para Brais Sampayo García, alumno de Administración e Finanzas.

Recibiron un premio do centro os alumnos que na fase xeral das ABAU
conseguiron máis dun 9: Martín Álvarez e Ismael González Rois. E realizouse un recoñecemento ó gañador do primeiro concurso de ideas
creativas de negocio, Jesús Noya Beltrán.

A suxerencia da Biblioteca, entregouse un premio a Lara López Pérez, a
mellor lectora do curso 2021/22. E o premio para o alumno máis participativo foi para Felipe Alberto Romero Alvarado. Entregáronse tamén mencións ó alumnado de 1º e 2º ESO que participou no Programa de mellora da Excelencia en Matemáticas. “Todo iso nos sinala coma un centro dinámico e cheo de actividades creativas durante o ano escolar, polo que os felicitamos a todos”, conclúen desde o centro.

DEIXAR UN COMENTARIO

Please enter your comment!
Please enter your name here