O novo sistema mellorará a eficiencia enerxética das instalacións de abastecemento coa instalacións de contadores de tecnoloxía moderna, logrando un maior control da instalación, un maior aforro no consumo de auga, unha mellora ambiental mediante a redución das emisións de gases de efecto invernadoiro á atmosfera ao consumir enerxía no bombeo, así como un aforro económico importante.

O proxecto foi adxudicado á empresa, Ime Rodríguez S.L. por importe de 126.131,05 euros ao abeiro do Plan Único de Cooperación cos Concellos do ano 2021.

Vantaxes do novo sistema

• Telemedida dos consumos, con descarga de datos periodicamente segundo o criterio do titular e coa periodicidade que se desexe.
• Detección de avarías e problemas ao dispor de un sistema de comunicación que permite alarmas e avisos
• Redución do consumo de auga potable por varios motivos:
• Control da instalación coa posible instalación de contadores parciais que permita a detección de consumos excesivos ou non localizados.
• Detección de avarías en tempos moi reducidos o que evita que se desperdicie auga por non ter detectada a avaría durante un longo período de tempo

Desde o concello aseguran que, “A solución que se propón permite mellorar o sistema de control das instalacións, o que conleva unha redución substancial do consumo de auga (redución dun recurso natural e dos consumos asociados, consumo enerxético e consumo de produtos químicos, redución das necesidades de mantemento das instalacións redución do desgaste das instalacións, …). Ademais, a redución do consumo de auga permite mellorar a calidade da mesma ao ter que tratar caudais menores.”