A romaría celebrarase este sábado, 16 de xullo, xuntándose ás 12:00 na capela para ás 14:00 xantar no Campo das Pipas.
Desde Por Chantada escollen esta data para esta celebración porque, “Recuperamos unha tradición das mulleres e homes do Partido Galeguista de Chantada, formación que chegou a reunir máis de 90 afiliacións nos meses previos ao referendo do Estatuto de autonomía hai agora 86 anos. Aqueles devanceiros subían na véspera do 25 de xullo, hoxe oficialmente Día nacional da Galiza, ao Faro desde onde enxergaban o mañá que arelaban, unha Galiza ceibe de caciquismo e sen oprobio, dona de si e con capacidade de decidir, o que se traduciría na loita polo estatuto de autonomía.”
Para anotarse ao xantar de campo hai que poñerse en contacto co teléfono 687 858 164 (Whats app) ou no enderezo electrónico cupchantada@gmail.com
